2009an bere estreineko lana atera eta 2011n
Biladi Hadi disko-libururako
Hartza izeneko kantua grabatu ostean, Donostiako
Madeleine laukotea zazpi kantu berriz osatu
Mugarri diskoarekin itzuli zen 2013an. Musikalki, taldekideek
"emozioak karreatzen dituzten doinu melodikoak" gustoko dituzte eta lan berri honetan ere, post-rock kasik instrumentalaren bidetik jarraitzen dute. Beren hitzetan,
"paisaia ambientalak, zati azkarragoak eta lasai egoteko akorde segidak" eskaintzen ditu
Mugarrik.
Polar Bear Club edo
Tame Impala-ren itzala hortik dabil baina
Kea,
Berlin edota
Tartalo bezalako abestiek
Mogwai,
Tortoise,
June of 44, edota
Slint bezalako taldeen unibertsorantz eramaten gaituzte ere. Bestalde, Alvaro Remachak nahasketa eta masterizazio lan txukuna egin du eta diseinua ere zinez polita da.
Dudarik ez.
Madeleinek goranzko urrats handia eman du, benetako mugarria izan daitekeen disko bikain honekin.
Fred Berruet
Kronika entzun.com webgunean (2014-01-21)
♪♫ Kronika Goiz Berri saioan (Euskal Irratiak) - 2014-01-15 ♫♪
